काठमाडाैँ। नेपाली पुरुष टोली विश्व टिम टेबलटेनिस च्याम्पियनसिपका लागि भइरहेको दक्षिण एसियाली छनोट प्रतियोगिताको पहिलो दिन बुधबारको खेल सकिँदा शीर्ष स्थानमा छ।
लैनचौरस्थित राष्ट्रिय टेबलटेनिस प्रशिक्षण केन्द्रमा नेपालले ३ खेल खेलेकोमा सबैमा जित रच्यो। ५ टिम सहभागी राउन्ड रोविन लिगमा नेपालले श्रीलंकालाई ३–० तथा माल्दिभ्सलाई ३–१ र बंगलादेशलाई ३–२ को सेटमा पराजित ग¥यो। नेपालले अन्तिम दिन बिहीबार भारतको सामना गर्ने छ। नेपाली टोलीमा संयोग कपाली, रुविन महर्जन, राजीव चिकन्बञ्जार र गनन्जय दाहाल रहेका छन्।
दोश्रो स्थानमा रहेको भारतले श्रीलंका र बंगलादेशलाई समान ३–० को नतिजामा हरायो। भारतले नेपालसंगै माल्दिभ्ससंग पनि खेल्न बाँकी छ। अखिल नेपाल टेबलटेनिस संघको आयोजनामा भइरहेको प्रतियोगिताको महिलामा पनि ३ खेल खेलेको नेपालले २ मा जित र १ मा हार व्यर्होयो। माल्दिभ्स र बंगलादेशलाई ३–० ले पाखा लगाएको नेपाल श्रीलंकासंग २–३ ले चुक्यो। नेपाली टोलीको खेलाडीमा वियंका राई, इभाना थापा, नविता श्रेष्ठ र योङगी पौडेल रहेका छन्। पाँचै टिम सहभागी महिलमा पनि नेपालले बिहीबार भारतको सामना गर्ने छ।
प्रतियोगिताको युवा तथा खेलकुद मन्त्री तेजुलाल चौधरीले एक कार्यक्रमबीच उद्घाटन गरे। प्रतियोगितामा भुटान र पाकिस्तान बाहेक नेपालसहित ५ राष्ट्र ३४ खेलाडी सहभागी छन्। भारतबाट १० तथा नेपाल, श्रीलंलका, बंगलादेश र माल्दिभ्सलेबाट समान ८–८ खेलाडी सहभागी छन्।
राउन्ड रोविन लिगमा शीर्ष स्थानमा रहने पुरुष÷महिला टोलीले इङल्यान्डमा सन् २०२६ को सेप्टेम्बरमा हुने विश्व टिम टेबलटेनिस च्याम्पियनसिपका लागि छनोट हुने छन्।
तपाईको प्रतिक्रिया !!!
