काठमाडौँ । इङ्लिस प्रिमियर लिग अन्तर्गत १७औँ साताको खेलमा आर्सनलले एभर्टनलाई पराजित गरेको छ।
शनिबार राति सम्पन्न खेलमा आर्सनलले घरेलु मैदानमा एभर्टनलाई १–० गोल अन्तरले हराएको हो। आर्सनलको जितमा खेलको २७औँ मिनेटमा भिक्टर ग्योकेरेजले गरेको गोल निर्णायक बन्यो।
खेलभरि दुवै टोलीले अवसर सिर्जना गरे पनि थप गोल हुन सकेन। आर्सनलले बलको नियन्त्रण राख्दै खेलमा दबाब बनाएको थियो भने एभर्टनले बराबरीको खोजी गरे पनि सफल हुन सकेन।
यो जितसँगै आर्सनलले प्रिमियर लिगको शीर्ष स्थानमा आफ्नो अग्रता कायम राखेको छ। १७ खेलबाट आर्सनलको ३९ अंक पुगेको छ। पराजित एभर्टन भने १७ खेलमा २४ अंकसहित तालिकाको मध्यभागमा रहेको छ।
तपाईको प्रतिक्रिया !!!
