काठमाडाैं। च्याम्पियन्स लिगको लिग चरणमा म्यानचेस्टर युनाइटेडले विजयी सुरुआत गरेको छ। बुधबार राति भएको खेलमा युनाइटेडले साबाह एफकेलाई ४–० ले पराजित गरेको हो।
घरेलु मैदानमा युनाइटेडले सुरुवातदेखि नै खेलमा दबाब बनाएको थियो। खेलको २७औँ मिनेटमा माथेउस कुन्हाले गोल गर्दै युनाइटेडलाई अग्रता दिलाए।
त्यसपछि ४२औँ मिनेटमा ब्रुनो फर्नान्डेसले गोल गर्दै अग्रता दोब्बर बनाए। पहिलो हाफको इन्ज्युरी समयमा बेन्जामिन सेस्कोले गोल गरेपछि युनाइटेड ३–० ले अघि रह्यो।
दोस्रो हाफमा पनि युनाइटेडले दबाब कायमै राख्यो। ६८औँ मिनेटमा लिसान्द्रो मार्टिनेजले गोल गरेपछि युनाइटेडले ४–० को सहज जित सुनिश्चित गर्यो।
यस जितसँगै म्यानचेस्टर युनाइटेडले लिग चरणमा ३ अंक जोडेको छ। साबाह एफके भने अंकविहीन बनेको छ।
तपाईको प्रतिक्रिया !!!
