काठमाडौं । यूएईमा जारी आईसीसी यु–१९ महिला टी–२० विश्वकप एसिया छनोट अन्तर्गत नेपालले आज कुवेतविरुद्ध खेल्दै छ।
दुबईस्थित द सेभेन स्टेडियममा हुने यी दुई टोलीबीचको खेल बिहान ११:१५ बजेदेखि शुरु हुँदै छ।
प्रतियोगितामा चार खेलमा तीन जित र एक हार बेहोरेको नेपाल ६ अंकसहित दोस्रो स्थानमा रहेको छ।
नेपालले यसअघि कुवेतलाई १०८ रनले पराजित गरेको थियो। नेपालले यस प्रतियोगितामा विहिबार युएईसँग खेल्ने तालिका रहेको छ।
छनोट प्रतियोगिता नेपाल र कुवेतसँगै आयोजक यूएई र थाइल्याण्ड सहभागी छन्। प्रतियोगितामा शीर्ष स्थानमा रहने टोली अर्को वर्ष मलेसियामा हुने यु–१९ महिला टी–२० विश्वकपमा छनोट हुनेछ।
तपाईको प्रतिक्रिया !!!
