काठमाडौं। साउदी प्रो लिगको दोस्रो चरणमा आज अल नासरले अल रियादसँग खेल्दैछ। खेल रियादस्थित प्रिन्स फैसल बिन फहद रंगशालामा नेपाली समयअनुसार राति ९:४५ बजे सुरु हुनेछ।
अल नासरले पहिलो चरणमा अल फतेहलाई ३–० ले हराउँदै उपाधि रक्षाको बलियो सुरुवात गरेको थियो। तर उक्त खेलमा क्रिस्टियानो रोनाल्डो मैदानमा थिएनन्। उनी विवाहपछि ढिलो प्रशिक्षणमा फर्किएका कारण पहिलो खेल गुमाएका थिए।
रोनाल्डो आज मैदान फर्कने सम्भावना भने निकै बलियो देखिएको छ। अगस्ट १२ मै प्रकाशित अरब न्युजको रिपोर्टले अल रियादविरुद्ध अगस्ट २१ को खेललाई रोनाल्डोको सम्भावित पहिलो प्रतिस्पर्धात्मक सुरुवातका रूपमा उल्लेख गरेको थियो। पछिल्ला रिपोर्टहरूमा पनि उनी प्रशिक्षणमा फर्किसकेको र आजको खेलबाट सिजनको सुरुवात गर्ने अपेक्षा गरिएको छ।
यद्यपि अल नासरले अन्तिम सुरुआती ११ सार्वजनिक नगरेसम्म रोनाल्डो खेल्छन् भनेर शतप्रतिशत पुष्टि गर्न सकिँदैन। त्यसैले अहिलेको तथ्यका आधारमा उनको खेल्ने सम्भावना उच्च मान्न सकिन्छ।
तपाईको प्रतिक्रिया !!!
