काठमाडाैं । प्रधानमन्त्री कप एकदिवसीय पुरुष राष्ट्रिय प्रतियोगिताअन्तर्गत त्रिभुवन आर्मी क्लबले कर्णाली प्रदेशलाई २६३ रनको लक्ष्य दिएको छ।
भैरहवास्थित, एक्स्ट्राटेक ओभलमा टस हारेर ब्याटिङको निम्तो पाएको आर्मीले निर्धारित ५० ओभरमा ९ विकेट गुमाउँदै २६२ रन बनाएको हो।
आर्मीका लागि ओपनर ब्याटर तीर्थ राज दासले सर्वाधिक ६९ रन बनाए। उनले ८४ बलमा १० चौका प्रहार गरेका हुन्। अर्का ओपनर सन्तोष कार्कीले ११ रन बनाए , भिम सार्कीले ४० रन, कप्तान विनोद भण्डारीले ५६ रन बनाए। वसिर अहमदले ३६ रन बनाउँदा सोमपाल कामीले १३ रन बनाए। अन्य कुनै ब्याटरले दोहोरो अंकमा रन बनाउन सकेनन्।
कर्णालीका लागि प्रकाश जैशीले सर्वाधिक ४ विकेट लिए। दिनेश अधिकारीले ३ विकेट लिए। सुनिल धमलाले २ विकेट लिए।
तपाईको प्रतिक्रिया !!!
