काठमाडौं । अन्तर्राष्ट्रिय स्पोर्टस् ब्रान्ड एक्स टेपको नयाँ आउटलेट काठमाडौं, सामाखुशी चोकस्थित सिटी स्क्वायर मलमा उद्घाटन गरिएको छ ।
अन्तर्राष्ट्रिय ट्रायल रनर धावक अर्जुन कुलुङ राईले सोमबार रिबन काटेर एक्स टेपको नयाँ आउटलेटको उद्घाटन गरेका छन् । अर्जुन विश्व ट्रायल रेस च्याम्पियन्सीपमा नेपालको प्रतिनिधित्व गरिसकेका धावक हुन् । यसैगरी उनले एभरेस्ट म्याराथन, मञ्जुश्री रेसलगायत थुप्रै ट्रायल रेस उपाधि जितेका छन् ।
खेल पोशाकको उत्कृष्ट ब्रान्डमध्ये एक एक्स स्टेपको यो १४ औँ आउटलेट हो । एक्स स्टेपको नयाँ आउटलेटको उद्घाटनको अवसरमा ‘रन फर फ्रेस एयर’ नारासहित पाँच किलोमिटर दौडको आयोजना पनि गरिएको थियो । सो दौडमा अर्जुनसहित अर्जुनसहित अन्य आठ जना ट्रायल रनर दावा तामाङ, मानकुमार रोक्का मगर, गोपाल तामाङ, सन्तोष तामाङ, होमराज तामाङ, आङफूर्वा शेर्पा र मञ्जु सुनुवारले सहभागिता जनाएका थिए । सबैजना रनर एक्स टेपको पोशाक र जुत्ता लगाएर दौडेका थिए । धावक अर्जुनले एक्स टेपको जुत्ता, पोशाकसहित दौडँदा निकै सहज महसुस भएको र टाइमिङ पनि सुधार भएको बताएका छन्।
एक्स टेपको नेपालका लागि आधिकारिक विक्रेता रेन्बो प्रालिका प्रबन्ध निर्देशक गणेश श्रेष्ठले सो दौडमा सहभागी धावकधाविकालाई एक्स स्टेपका खेलपोशाकसहितको गिफ्ट ह्याम्पर प्रदान गरेका थिए।
तपाईको प्रतिक्रिया !!!
