काठमाडौं। नेपालको त्रिभुवन आर्मी फुटबल क्लब डुरान्ड कपको आफ्नो पहिलो खेलमा पराजित भएको छ।
बिहिबार भएकाे समूह ‘सी’ अन्तर्गको खेलमा आर्मी घरेलु टोली जमसेदपुर फुटबल क्लबसँग ३-२ ले पराजित भएकाे हाे।
जमसेदपुरलाई जित दिलाउन सार्थक गोलुई, मनवीर सिंह, निखिल बरलाले गोल गरे। आर्मीका लागि जर्जप्रिन्स कार्की र अनन्त तामाङले गोल फर्काए।
खेलको चौथो मिनेटमै सार्थकको गोलमार्फत जमसेदपुरले अग्रता लिएको थियो। २६औं मिनेटमा जर्जले आर्मीलाई बराबरीमा ल्याए।
३१औं मिनेटमा मनवीरले गोल गर्दा जमसेदपुरले पहिलो हाफमा २-१ को अग्रता लिएको थियो। ६४औं मिनेटमा अनन्तले गोल गर्दा आर्मी २-२ को बराबरीमा आयो।
तर, निखिले ७१औं मिनेटमा गोल गर्दै जमसेदपुरलाई रोमाञ्चक जित दिलाए। याे हारसँगै आर्मीले हारबाट प्रतियाेगिताकाे सुरुआत गरेकाे छ।
तपाईको प्रतिक्रिया !!!
