काठमाडौँ। एभरेस्ट महिला भलिबल लिगमा लुम्बिनी लाभाले मधेस युनाइटेडमाथि जित हासिल गरेको छ।
त्रिपुरेश्वस्थित राष्ट्रिय खेलकुद परिषद् (राखेप)को कभर्ड हलमा बिहिवार सम्पन्न दिनको दोस्रो तथा अन्तिम खेलमा लुम्बिनीले मधेसलाई ३–१ को सेटमा पराजित गरेको हो।
पहिलो सेटमा लुम्बिनी २८–२६ ले विजयी हुँदा दोस्रो सेट २३–२५ ले गुमायाे। तेस्रो सेट २५–१४ तथा चौथो सेटमा लुम्बिनी २५–१९ ले विजयी हुँदै खेल आफ्नाे पक्षमा पार्न सफल भयाे।
जितसँगै लुम्बिनीले चार खेलबाट पाँच अंक जोडेर चाैथाे स्थानमा उक्लिएकाे छ। यता, पराजित मधेसले भने पाँच खेलबाट तीन अंकसहित पूछारमा रहेर प्रतियोगिता अन्त्य गरेको छ।
जेनजी आन्दोलनका कारण प्रभावित भएको फ्रेन्चाइच महिला भलिबल लिग बुधबारबाट काठमाडौंमा पुनस् सुचारू भएको हो।
तपाईको प्रतिक्रिया !!!
