काठमाडाैँ। एभरेस्ट महिला भलिबल लिग अन्तर्गत समूह चरणकाे अन्तिम खेलमा काठमाडाैँ स्पाइकरसले राेमाञ्चक जित निकाल्दै तेस्राे स्थानमा रहेर प्रतियाेगिता सकाएकाे छ।
त्रिपुरेश्वस्थित राष्ट्रिय खेलकुद परिषद् (राखेप)को कभर्ड हलमा शुक्रबार उषा भण्डारीकाे कप्तानीमा रहेकाे काठमाडाैँले अरुना शाहीकाे कप्तानीमा रहेकाे लुम्बिनी लाभालाई ३–२ काे सेटमा पराजित गरेकाे हाे।
पहिलाे २३–२५ र दाेस्राे सेट २४–२६ मा पराजय व्यहाेरेकाे काठमाडाैँले बाँकी तीन खेलमा २५–१७, २५–१६, १५–६ ले राेमाञ्चक जित हासिल गर्याे।
जितसँगै काठमाडाैँकाे ९ अंक पुगेकाे छ। पराजित लुम्बिनीकाे समान खेलबाट ६ अंकसहित प्रतियाेगिता सकायाे।


