काठमाडाैँ। आयोजक पुष्पसदन चौथो पुष्पसदन कप उपत्यकाव्यापी अन्तरविद्यालय बास्केटबल प्रतियोगितामा आइतबार दुई उपाधिनजिक पुगेको छ। पुष्पसदन सिनियर ब्वाइज र गल्र्सको थ्री बाइ थ्रीमा फाइनलमा पुगेका हुन्।
सिनियर ब्वाइजमा पुष्पसदनले निःसर्ग वाटिकालाई ६०–४४ ले पराजित ग¥यो। पुष्पसदनको जितमा सुशान श्रेष्ठले १५ अंक योगदान गरे। फाइनलमा पुष्पसदनको भेट राराहिलसंग हुनेछ। अर्को सेमिफाइनलमा नोजा महर्जनको १४ अंक सहयोगमा राराहिलले रेडियन्ट पब्लिकलाई ४३–२८ ले हराएको थियो।
गल्र्समा पुष्पसदनले द एक्सेल्सियरलाई १३–११ ले हरायो। उपाधिका लागि पुष्पसदनले स्वर्णिमको सामना गर्ने छ। दोश्रो सेमिफाइनलमा स्वर्णिमले मंगललाई ८–३ ले पाखा लगायो।
जुनियर ब्वाइजमा राराहिल र ग्रिनफिल्डले उपाधि भिडन्त पक्का गरे। राराहिलले पुष्पसदनलाई २१–५ तथा ग्रिनफिल्डले निःसर्गलाई २४–८ ले पन्छाए।राराहिलका निसान केसीले ८ तथा ग्रिनफिल्डका अजय मगरले ९ स्कोर गरे। फाइनल सोमबार हुनेछ।
तपाईको प्रतिक्रिया !!!
