काठमाडौं। विद्यावाणी पाठशालाले १०औं अर्किड कप अन्तरविद्यालय जुनियर छात्र फुटबल प्रतियोगिताको उपाधि आइतबार जितेको छ।
काँडाघारीस्थित आयोजक अर्किड प्युपल स्कुलको मैदानमा भएको फाइनलमा विद्यावाणीले एकलब्स शिक्षा सदनलाई टाइब्रेकरमा ४–३ गोलले पराजित ग¥यो। निर्धारित समयको खेल १–१ गोलको बराबरीमा सकिएको थियो।
विद्या विकास तेश्रो र निर्मल ज्योति चौथो भए। शीर्ष चार स्थानमा रहने टिमले क्रमशः ४० हजार, २५ हजार, १५ हजार र १० हजार नगद पुरस्कार प्रदान गरिएको अर्किडका संस्थापक प्रेमकुमार भुजेलले जनाएका छन्।
विद्यावाणीका एकेन्द्र बुढा उत्कृष्ट खेलाडी, विद्यावाणीकै श्रृयान भट्टराई उत्कृष्ट गोलरक्षक, विद्याविकासका अभिषेक कुमार उदीयमान खेलाडी र एकलब्यका निरज मगर सर्वाधिक गोलकर्ता बने। एजीएमले अनुशासित टिमको ट्रफी हात पा¥यो।
तपाईको प्रतिक्रिया !!!
