काठमाडौं। लियोनल मेस्सीले अर्जेन्टिनाको राष्ट्रिय टोलीबाट आफ्नो अन्तिम खेलमा गोल गर्दै भावुक बिदाइ लिएका छन्। बेनिनविरुद्धको मैत्रीपूर्ण खेलमा अर्जेन्टिनाले ३–० को जित निकाल्दा मेस्सीले पेनाल्टीमार्फत गोल गरे।
ब्युनस आयर्सस्थित मोनुमेन्टल रंगशालामा भएको खेलमा निकोलास ओटामेन्डीले ४८औँ मिनेटमा गोल गर्दै अर्जेन्टिनालाई अग्रता दिलाएका थिए।
निकोलास पाजले ६१औँ मिनेटमा अर्जेन्टिनाको अग्रता दोब्बर बनाए। त्यसपछि मेस्सीले ७१औँ मिनेटमा पेनाल्टीमार्फत गोल गर्दै अर्जेन्टिनालाई ३–० को जित दिलाए।
यो खेल मेस्सीको अर्जेन्टिनाका लागि अन्तिम अन्तर्राष्ट्रिय खेल थियो। उनले दुई दशकभन्दा लामो अन्तर्राष्ट्रिय यात्रालाई गोलसहित टुंग्याएका छन्।
मेस्सीले अर्जेन्टिनाका लागि विश्वकप र दुई कोपा अमेरिका उपाधिसहित ऐतिहासिक उपलब्धि हासिल गरेका छन्
तपाईको प्रतिक्रिया !!!
