काठमाडौं। दोस्रो संस्करणको एभरेष्ट महिला भलिबल लिगको खेलाडी अक्सन आज (शुक्रबार) हुँदैछ।
महिला भलिबलकाे इतिहासमै पहिलोपटक हुन लागेको अक्सन दिउँसो ३ बजेदेखि शुरु हुने आयोजकले जानकारी दिएका छन्।
अक्सनमा सहभागी ६८ खेलाडीलाई ए, बी र सी गरी ३ समूहमा विभाजन गरिएको छ। जसमा समुह ए मा १३ जना, समुह बी मा ४३ जना र समुह सी मा १८ खेलाडी रहेका छन्।
हरेक फ्रेन्चाइजीले समुह ए बाट एक, समुह बी बाट ३ र समुह सी बाट २ खेलाडी अनिवार्य खरिद गर्नुपर्ने नियम रहेको छ।
समुह ए बाट ६ खेलाडी मार्की खेलाडीको रुपमा जानेछन् भने बाँकी ७ खेलाडी अक्सनमा रहनेछन्।
इन्फिनिटी ड्रिम्सको आयोजनामा हुने लिगमा मधेश युनाईटेड, ललितपुर क्विन्स, काठमाडौं स्पाईकर्स, पोखरा निन्जाज, लुम्बिनी लाभाज र कर्णाली यशविस रहेका छन्।
पहिलो संस्करण कर्णाली यशविसले जितेको थियो। कर्णालीले फाइनलमा ललितपुरलाई पराजित गरेर पहिलो उपाधि जितेको थियो।
दोस्रो संस्करण भदौं २० देखि २८ गतेसम्म हुनेछ।
तपाईको प्रतिक्रिया !!!
