काठमाडौँ। एएफसी यू-२० महिला एसियन कप छनाेट अन्तर्गत समूह ए मा रहेकाे नेपालले आज भुटानकाे सामना गर्दैछ।
याे खेल नेपाली समयअनुसार साँझ ५:४५ बजेदेखि सुरु हुनेछ। खेलको प्रत्यक्ष प्रशारण भुटान फुटबल फेडेरेसनको युट्युब च्यानलबाट हुनेछ।
नेपालकै समुह ए अन्तर्गत उत्तर कोरिया र साउदी अरेबियाबीच पनि खेल हुने तालिका रहेको छ। यो खेल दिउँसो १:४५ बजेदेखि हुनेछ।
प्रतियोगिताको समूह ‘ए’ मा नेपाल भुटान साउदी अरेबिया र उत्तर कोरियासँग प्रतिस्पर्धा गर्नेछ। प्रतियोगिता भुटानमा अगस्ट ६ देखि १० सम्म हुने तालिका रहेको छ। नेपालले दोस्रो खेल साउदी अरेबियासँग अगस्त ८ मा र तेस्रो खेल अगस्त १० मा उत्तर कोरियासँग खेल्ने तालिका रहेको छ।
आठ समुहको शीर्ष स्थानमा रहने देश एएफसी यू-२० महिला एसियन कपका लागि छनाेट हुने छन भने हरेक समुहको दोस्रो स्थानमा रहेका शीर्ष तीन देश पनि एसिया कपका लागि छनाेट हुने छन्।
तपाईको प्रतिक्रिया !!!
