काठमाडौं। आगामी पुस २५ गतेबाट सुरु हुने राष्ट्रिय लिग फुटबल प्रतियोगिताको विजेताले ५० लाख रुपैयाँ पुरस्कार पाउने भएको छ।
बिहीबार त्रिपुरेश्वरस्थित दशरथ रंगशालामा भएको बैठकमा अखिल नेपाल फुटबल संघ (एन्फा) र सहभागी १७ क्लबका प्रतिनिधिहरूबीच छलफल भएको थियो। यही बैठकबाट पुरस्कार राशीको अन्तिम रूपरेखा तय गरिएको हो।
बैठकअनुसार, तीन महिनासम्म चल्ने लिगको विजेता टोलीले ५० लाख रुपैयाँ प्राप्त गर्नेछ। उपविजेता टोलीलाई २५ लाख रुपैयाँ, भने तेस्रो स्थान हासिल गर्ने टोलीलाई १५ लाख रुपैयाँ प्रदान गरिने एन्फाले जानकारी गराएको छ।
प्रतियोगितामा सहभागी सबै क्लबलाई प्रारम्भिक तयारीका लागि एन्फाले १३ लाख ५० हजार रुपैयाँ उपलब्ध गराउने निर्णय पनि बैठकमा गरिएको थियो। यसले लिगमा प्रतिस्पर्धा गर्न क्लबहरूको खर्च व्यवस्थापनमा सहयोग पुग्ने अपेक्षा गरिएको छ।
प्रतियोगिता पुस २५ गतेदेखि सुरु हुने छ।
तपाईको प्रतिक्रिया !!!
