काठमाडौँ। भारतको इस्ट बंगाल एफसीले काठमाडौँमा जारी साफ महिला क्लब च्याम्पियनसिपमा लगातार दोस्रो जित दर्ता गरेको गरेको छ।
त्रिपुरेश्वस्थित दशरथ रंगशालामा बिहिवार सम्पन्न खेलमा इस्ट बंगालले पाकिस्तानको कराँची सिटी एफसीलाई २-० ले पराजित गरेको हो।
बंगालको जितमा सुलन्जना राउल र रेस्ती नान्जीरिले गोल गरिन्।
खेलको पाँचौ मिनेटमा सुलन्जना राउलले अग्रता दिलाइन्। ४७औँ मिनेटमा रेस्ती नान्जीरिले अग्रतालाई दोब्बर बनाएकी थिइन्।
जितसँगै दुई खेलबाट ६ अंक जोडेको बंगाल शीर्ष स्थानमा उक्लिएको छ। पराजित कराँचीले भने तीन खेलबाट दुई रहेको छ। कराँची यसअघिका दुई खेलमा बराबरीमा रोकिएको थियो भने बंगालले भुटानको क्लबलाई ४-० ले पराजित गरेको थियो।
तपाईको प्रतिक्रिया !!!
