काठमाडौं। एक दिवसिय प्रथम डाइनामिक कप इनलाइन स्केटिंग स्पीड च्याम्पेनसीप शनिबार भक्तपुरको गुण्डुस्थित काठमाडौ वल्र्ड स्कुलमा सम्पन्न भएको छ।
प्रतियोगितामा जुनियर तथा सिनियर विद्याका खेलाडीको सहभागिता रहेको थियो। सो प्रतियोगितामा मित्रश्री विद्यालयले प्रथम, जनप्रेमी विद्यालयले दोस्रो र शिवर्ड विद्यालयले तेस्रो ट्रफी जित्न सफल भएका थिए। ती तीनवटा विद्यालयबाट २५० खेलाडीको सहभागिता थियो।
प्रतियोगिता डाइनामिक स्केट क्लब भक्तपुर तथा नेपाल स्केटिङ तथा स्केटबोर्डिङ्ग एसोसिएसनको सहयोगमा भएको हो। सो कार्यक्रममा बोल्दै राष्ट्रिय खेलकुदका परिषदका पूर्व सदस्य सचिव टंकलाल घिसिङले स्केटिंग खेल निक्कै लोकप्रिय हुँदै गएकोले ओलम्पिकमा छनोट हुने सम्भावना रहेको चर्चा गरेका थिए। ओलम्पिकमा छनोट हुने सम्भावना रहेकाले यो खेलको विकासका लागि विद्यार्थी र अभिभावकले ध्यान दिनु पर्ने धारणा पनि उनको थियो।
कार्यक्रम क्लवका अध्यक्ष रोजन भासिमाको सभापतित्वमा भएको कार्यक्रममा पूर्व सदस्य–सचिव घिसिङ, प्रमुख प्रशिक्षक दिलिपराज बराल, संघका अध्यक्ष अच्युत खनाल, महासचिव सत्य थापा, सल्लाहकार सौनक भट्ट, स्केटका ब्राण्ड एम्बास्डर सञ्जु श्रेष्ठ, रोलर हक्कीका टीम मेनेजर सावी डिसी, काठमाडौ वल्र्ड स्कुलका बरिष्ठ निर्देशक डा। विद्या अधिकारी, निर्देशक यांकिला लामा लगायतले विजेताहरुलाई पुरस्कार वितरण गरेका थिए।
तपाईको प्रतिक्रिया !!!
