काठमाडौँ । दोस्रो प्रयागराज सिंह सुवाल स्मृति अन्तर वडा फुटसल प्रतियोगिताको उपाधि भिडन्त वडा नं १६ र वडा नं १२ बिच हुने भएको छ।
लैनचौर फुटसल मैदानमा मङ्गलबार भएको पहिलो सेमिफाइनलमा वडा १६ ले वडा नं ६ लाई २–१ ले हरायो। नामोडुल सान्बो लामाको गोलबाट वडा ६ ले अग्रता बनाएको थियो। तर रविन निरौलाले दुई गोल गर्दै वडा १६ लाई फइनलमा पुर्याए।
दोस्रो सेमिफाइनलमा वडा नं १२ ले वडा नं २ लाई २–० ले पराजित गर्यो। विजयी टिमका लागि दुवै गोल मनोज महर्जनले गरे।
काठमाडौँ महानगरपालिका वडा नं २३ को आयोजनामा गत असाज १ गते देखि भएको प्रतियोगिताको विजेता टिमले ट्रफीसहित दुई लाख रुपियाँ प्राप्त गर्नेछ। उपविजेता टिमलाई एक लाख रुपियाँ प्रदान गरिनेछ। यसैगरी, विधागततर्फ उत्कृष्ट हुने सर्वश्रेष्ठ खेलाडी, सर्वाधिक गोलकर्ता र सर्वश्रेष्ठ गोलरक्षकलाई जनही दस हजार रुपियाँले पुरस्कृत गरिनेछ। फाइनल बुधबार बिहान ९ बजे हुनेछ।
तपाईको प्रतिक्रिया !!!
