काठमाडौं । आइसिसी क्रिकेट विश्वकप लिग-२ क्रिकेट अन्तर्गतको त्रिकोणात्मक एकदिवसीय शृंखलाको आफ्नो चौथो तथा अन्तिम खेलमा मंगलबार नेदरल्यान्ड्सको सामना गर्दै ।
खेल स्कटल्यान्डको डुन्डेस्थित फोर्टहिल क्रिकेट मैदानमा नेपाली समय अनुसार दिउँसो ३ः४५ मा सुरु हुनेछ ।
नेपाल १५ खेलमा १० अंक जोडेर सातौं स्थानमा छ । नेदरल्यान्ड्स २२ खेलमा २६ अंकसहित दोस्रो स्थानमा छ ।
नेपाल तेस्रो जितको लक्ष्यमा छ । यसअघि नेपालले स्कटल्यान्डलाई एक र नेदरल्यान्ड्सलाई पाँच विकेटले पराजित गरेको थियो । यस्तै नेपाल स्टकल्यान्डसँगको पछिल्लो भेटमा भने दुई रनले पराजित भएको थियो ।
यता नेदरल्यान्ड्स पहिलो जितको लक्ष्यमा छ । नेदरल्यान्ड्सले स्कटल्यान्डसँग पनि ४४ को पराजय बेहोरेको थियो ।
नेपाल राेहितकुमार पौडेल र नेदरलयान्ड्स स्कट एड्वार्डसको कप्तानीमा मैदान उत्रिने छन् ।
आठ टोली सहभागी लिग-२ एकदिवसीय विश्वकप २०२७ को छनोट प्रतियोगिता समेत हो । सन् २०२७ सम्म चल्ने लिगको शीर्ष चार टोलीले विश्वकपको ग्लोबल छनोटमा स्थान बनाउने छन् । यसैगरी पुछारका चार टोलीले भने विश्वकप छनोट प्लेअफ खेल्नुपर्ने छ ।
नेपाल र नेदरल्यान्ड्सबीच हालसम्म ६ एकदविसीय अन्तर्राष्ट्रिय खेल भएका छन् । जसमा दुवै टोली समान तीन खेलमा विजयी भएका छन् ।
तपाईको प्रतिक्रिया !!!
