काठमाडौं। ‘एक्सट्रिम इनर्जी ड्रिंक’ कर्पोरेट टी–१० लिगको ‘एनर्जी पार्टनर’ बनेको छ।
काठमाडौँ स्पोर्ट्स एन्ड इभेन्ट्स प्रालिका निर्देशक ज्योति भण्डारी र एक्सट्रिम इनर्जी ड्रिंकका इभेन्ट म्यानेजर सुजल राणाबीच साेमबार सम्झौता पत्रमा हस्ताक्षर भएको हो।
सम्झौताअनुसार एक्सट्रिमले कर्पोरेट टी–१० लिगलाई आर्थिक सहयोग गर्नुका साथै प्रत्येक खेलका ‘प्लेयर अफ द म्याच’लाई आकर्षक गिफ्ट ह्याम्पर प्रदान गर्नेछ।
सहकार्यप्रति उत्साह व्यक्त गर्दै एक्सट्रिमका इभेन्ट म्यानेजर सुजल राणाले यस साझेदारीले खेलाडीहरूको ऊर्जा र प्रदर्शनलाई नयाँ उचाइमा पुर्याउने विश्वास व्यक्त गरे। उनले यो सहकार्य केवल ब्रान्ड प्रवर्द्धनमा सीमित नभई खेलप्रतिको जोश र उत्साहलाई अझ सुदृढ बनाउने उद्देश्यका साथ अघि बढाइएको बताए।
लिग वैशाख १० देखि १७ गतेसम्म काठमाडौंको तल्लो मुलपानी क्रिकेट मैदानमा सञ्चालन हुनेछ।
तपाईको प्रतिक्रिया !!!
